Суддзя Анатоль Барысёнак з суда Партызанскага раёну пакараў лідара руху салідарнасці «Разам» 15 соднямі арышту за ўдзел у акцыі 8 снежня супраць інтэграцыі з Расеяй, падае праваабарончы цэнтр «Вясна».
Разгляд гэтай адміністратыўнай справы паводле артыкулу 23.34 КаАП адбыўся 3 лютага. Раней ён пераносіўся некалькі разоў праз тое, што апазіцыянер быў за мяжой.
Сіўчыка на паседжанні не было і сёння, але суддзя вырашыў не пераносіць працэс.
Суддзя ўдакладніў, што тэрмін арышту будзе лічыцца з моманты затрымання актывіста.
Паводле «Прававой ініцыятывы», у матэрыялах справы быў пісьмовы рапарт працаўніка АМАПу, імя якога не назвалі.
Сіўчыка чакаюць суды кожны дзень да пятніцы ўключна. Разгляд справаў мусіць адбыцца ў судзе Партызанскага раёну 4, 5, 6 і 7 лютага.
ДД belsat.eu