«Вы што, хочаце спрабаваць скінуць уладу?» Лукашэнка прагаласаваў на выбарах прэзідэнта Беларусі
Дзейны кіраўнік Беларусі прагаласаваў на выбарах будучага прэзідэнта Беларусі, паведамляе тэлеграм-канал «Пул Первого».
«Лукашэнка прагаласаваў на выбарах прэзідэнта Беларусі», – гаворыцца ў паведамленні.
Ён прагаласаваў на тэрыторыі Беларускага дзяржаўнага ўніверсітэту фізічнай культуры ў Менску.
Прагаласаваўшы, Аляксандр Лукашэнка адказаў на пытанні журналістаў. У прыватнасці, ён назваў электаральную кампанію 2020 гады адною з самых складаных для яго, перадае БелТА.
«Не сказаў бы, што яна самая складаная, але адна з самых складаных», – сказаў ён.
Кіраўнік краіны таксама «гарантаваў», што «з-пад кантролю нічога не выйдзе». Таксама ён падкрэсліў: няма падставаў казаць, што краіна будзе ўведзеная ў нейкае супрацьстаянне пасля выбараў.
«Недаацэньваць сітуацыю нельга, але каб гаварыць, што краіна з заўтрашняга дня будзе ўведзеная ў хаос або нейкае проціборства, супрацьстаянне ці нейкую грамадзянскую вайну, падстаў абсалютна няма. Я вам гэта шчыра заяўляю і гарантую», – сказаў Лукашэнка.
Ён заявіў, што гатовы да дыялогу з апанентамі ўлады, але ўладу мяняць нельга.
«Калі вы проста выказваеце сваю пазіцыю ці пазіцыю кагосьці і там відаць, што гэта Пятроў, Сідараў, Іваноў, я гэта вітаю. Я гатовы з вамі асабіста весці дыялог. Калі вы тэндэнцыйна пачынаеце сябе паводзіць, я таксама гэта бачу і стаўленне адпаведнае. А калі вы правакуеце, атрымаеце ў адказ тое ж самае. Вы што, хочаце спрабаваць скінуць уладу, зламаць нешта, укалоць, абразіць (як гэта вы рабілі спачатку больш, а цяпер менш) і чакаеце, што я ці хтосьці перад вамі стане на калені і будзе цалаваць іх і пясок, па якім вы блукалі? Не будзе гэтага. Вядзіце сябе па законе, і ў нас прэтэнзіяў да вас не будзе», – падкрэсліў кіраўнік краіны.
Паводле яго, за апошні час ва ўездзе ў Беларусь адмовілі 170 асобам, у іх былі фальшывыя візы паказвалі, ці яны «ўвогуле не маглі растлумачыць, чаго едуць».
Пры гэтым Лукашэнка адзначыў, што збіраецца ўзаемадзейнічаць з іншымі дзяржавамі па ўсіх напрамках.
МГ belsat.eu
