Восем чалавек загінулі ў аварыі пад расейскім Псковам. Магчыма, усе яны – украінцы

Восем чалавек загінулі ў выніку сутыкнення мікрааўтобуса Mercedes з вялікагрузным аўтамабілем Volvo на трасе ў Пскоўскай вобласці. Пра гэта паведамляе ТАСС.

Аварыя здарылася на трасе Санкт-Пецярбург – Невель на тэрыторыі Пустошкінскага раёну, каля вёскі Руда. Прыватны мікрааўтобус Mercedes выехаў на сустрэчную паласу, дзе ўрэзаўся ў вялікагрузную машыну Volvo.

https://belsat.eu/news/autobus-z-belarusi-trapiu-u-dtz-pad-pskovam-patsyarpeli-16-asobau/

У выніку аварыі восем чалавек з мікрааўтобусу загінулі. Выжыў толькі адзін.

Мікрааўтобус з украінскімі нумарамі і зарэгістраваны ва Украіне. Як мяркуецца, загінулыя – грамадзяне Украіны, аўтобус ехаў у бок Кіева.

МГ belsat.eu

Hавiны