Аршанскія фанаты адзначылі перамогу ў гасцявым матчы над ФК «Баранавічы» (2:0), вывесіўшы на трыбуне стадыёну «Лакаматыў» банэр з надпісам: «Воі, на Крапіўне перамога».
Такім чынам ультрас прыгадалі пра 505-ю гадавіну Аршанскай бітвы, калі на рацэ Крапіўне было разбітае маскоўскае войска.
«Складовай часткай шоу на выправе была расцяжка ў гонар герояў Аршанскае бітвы, якая 505 гадоў таму прынесла нашым продкам славутую перамогу над маскоўцамі, якія прыйшлі захапіць нашыя землі. Гэты банэр мы праз бясконцы працоўны графік, камандзіроўкі і капанне гародаў у прамежках паміж дажджамі прыступілі маляваць толькі ў ноч перад выправай!», – распавядаюць аршанскія фанаты пра сваю «мілітары» акцыю.
Матч Першай лігі адбыўся 21 верасня.
ЮВ belsat.eu