Віталь Гуркоў, кікбаксёр, чэмпіён свету па муай-тай, спявак гурта «Brutto», распачаў кар’еру на тэлебачанні. Сярод іншага, як паведамляе тэлеканал СТВ, чэмпіён Віталь Гуркоў стаў вядоўцам праграмы «Тыдзень спорту».
«Чэмпіён змяніў рынг на студыю. У праграме тэлеканала СТВ «Тыдзень спорту» зʼявіўся новы вядоўца. Ім стаў Віталь Гуркоў – шматразовы чэмпіён свету, заслужаны майстар спорту Беларусі па тайскім боксе», – адзначаецца ў паведамленні тэлеканала.
Спартовая праграма на СТВ выходзіць па нядзелях а 22.30, весці праграму Віталь Гуркоў будзе разам з тэлевядоўцай Крысцінай Момат.
Віталь Гуркоў раней неаднаразова прымаў удзел у беларускамоўных курсах у розных гарадах краіны. А падчас перамогаў за мяжой уздымаў бел-чырвона-белы сцяг.
СК belsat.eu