4 верасня кампанія адзначала карпаратыў, а сёння апублікавала «мемасікі ад офісных крэатыўшчыкаў».
Сярод здымкаў знайшоўся калаж з фота расстрэльнай каманды НКУС.
Карыстальнікі Facebook звярнулі ўвагу на недарэчны жарт. Прадстаўнікі кампаніі выбачыліся і выдалілі фотажабу.
Пасля гэтага сітуацыю пракаментавала прэсавая служба Viber.
«Сёння пасля публікацыі на неафіцыйнай старонцы менскага офісу Viber у сетцы «Фэйсбук», карыстальнікі пазначылі ў каментарах на гістарычны кантэкст, які прысутнічаў на адным з фота. Як толькі гэты факт стаў нам вядомы, фатаграфія была выдаленая. Просім прабачэння і дзякуем карыстальнікам Viber за аператыўную рэакцыю», – заявілі ў Viber.
Кампанія паабяцала, што «зробіць захады па перадухіленні падобных сітуацыяў у будучыні».