Галоўны рэдактар расейскай радыёстанцыі «Эхо Москвы» Аляксей Венедыктаў падзяліўся сваймі ўражаннямі ад інтэрв’ю з кіраўніком Беларусі Аляксандрам Лукашэнка.
«Прэзідэнт Лукашэнка вельмі хітры, вельмі спрытны, вельмі жорсткі палітык», – заявіў Венедыктаў у сваім відэаблогу «ДайДудя».
Паводле яго, з Лукашэнкам вельмі цяжка размаўляць, бо ён сыходзіць ад пытанняў.
«Ён пра сваё. І таму тут трэба было тоненькай іголкай калоць пятку з тым, каб паварочваўся. Але ён, трэба сказаць, рэагаваў добра, мне спадабалася, ён адказваў добра. Ён адказваў груба, ён адказваў на пытанне. Ён сышоў ад двух пытанняў», – адзначыў журналіст.
Выразалі ж з інтэрв’ю толькі чатыры секунды, заявіў Венедыктаў. Прычыны – завялікі хронаметраж размовы.
МГ belsat.eu