«Ведомости»: У Маскве лічаць, што Міхаіл Бабіч сваю задачу цалкам выканаў


Mikhail Babich. Phot. Mikhail Fedochenko/Reuters/Forum

Расейская газета «Ведомости» піша, што былым амбасадарам і спецпрадстаўніком прэзідэнта РФ Міхаілам Бабічам Крэмль задаволены. Як паведамляе крыніца набліжаная да Крамля, Бабіч нібыта спрыяў перакрыццю схем нелегальных паставак розных тавараў з Беларусі ў Расею прыкладна на $ 3 млрд.

«Бабіч сыграў як каталізатар, каб выявіць праблемы ў двухбаковых стасунках, але адначасова стварыў шмат канфліктных сітуацыяў і ў Расеі, і ў Беларусі», – цытуе газета крыніцу ў Федэральным сходзе.

У Масквы прэтэнзіяў да Бабічаў няма, тут лічаць, што ён сваю задачу цалкам выканаў, адзначае суразмоўца «Ведомостей». Цяпер Бабіч можа вярнуцца на працу ў адміністрацыю прэзідэнта, як варыянт – на пасаду памочніка або дарадцы Пуціна.

Нагадаем, 30 красавіка Пуцін адклікаў Міхаіла Бабіча з пасады амбасадара і спецпрадстаўніка прэзідэнта РФ у Беларусі. Новым амбасадарам у Менску прызначылі Дзмітрыя Мезенцава.

Пасля Бабіча. Амбасадар Расеі змяніўся, ягоныя задачы – не

ІІ belsat.eu

Глядзі таксама
Каментары