Opublikowany przez Biełsat po polsku Niedziela, 21 czerwca 2020
Пад амбасадай Беларусі па вул. Вяртніча ў Варшаве сабралося каля за 1000 чалавек, якія ўтварылі жывы ланцуг у некалькі сотняў метраў.
Бел-чырвона-белыя гістарычныя сцягі Беларусі лунаюць над галавой пратэстуючых. Яны трымаюць у руках транспаранты на польскай і беларускай мовах.
Варшава: пратэст каля амбасады Беларусі
Каля 1000 чалавек прыйшлі сёння пад беларускую амбасаду ў Варшаве, каб выказаць салідарнасць з ахвярамі палітычных рэпрэсій. Глядзіце, як гэта было!
Opublikowany przez Белсат TV Niedziela, 21 czerwca 2020
Побач па дарозе ездзіць аўтобус з надпісам 3 %. Апаненты Лукашэнкі далі яму мянушку «Саша 3%» пасля таго, як ён атрымаў такі ўзровень падтрымкі на адным з інтэрнэт-апытанняў.
20-гадовы Іван з Менску прыехаў у Польшчу каб зарабіць сабе на хлеб:
– Я тут, бо не магу знайсці працу ў сваім горадзе. Мне надакучыла тое, што за 26 гадоў не было ніякіх зменаў. Што я не маю права выказваць свайго меркавання, хоць гэта зусім не так. У Беларусі мы не павінны баяцца, таму што ўлада выкарыстоўвае наш страх. Пакуль мы баімся, нічога не зменіцца, – дадае ён.
Андрэй з Менску, прадстаўляючы сябе як напалову паляк, напалову беларус, пакінуў Беларусь, бо не меў магчымасці ажыццявіць свае мары:
– Я паехаў у Польшчу, бо ў Беларусі ў мяне не было шанцаў рэалізаваць свае амбіцыі. Але калі ўдасца вярнуцца на маю радзіму, вольную краіну, я зраблю гэта з задавальненнем.
Ён падкрэсліў, што спадзяецца, што ЕЗ будзе больш актыўна рэагаваць на тое, што робіць Лукашэнка.
– Не мой прэзідэнт, – дадае ён
Арганізатарка пікету Стася Гліннік не звязана ні з адной арганізацыяй, і, як яна падкрэсліла, гэта была стыхійная кампанія, людзей склікалі ў сацыяльных сетках:
– Я бачу розніцу, вялікую розніцу паміж Беларуссю і рэальнай дэмакратыяй. Паведамленні пра маніфестацыю ў гарадской адміністрацыі заняло 10 хвілінаў, а праз паўгадзіны інфармацыя пра яе ўжо была ў інфармацыйным бюлетэні. У Беларусі пра любую вулічную акцыю трэба паведаміць мясцовым уладам за некалькі тыдняў і атрымаць яшчэ дазвол. Больш за тое, арганізатары павінны аплаціць паліцыю, службы хуткай дапамогі і службы ўборкі, выдаткі на ахову.
Арганізатарка падзякавала паліцыі за разуменне, бо абвешчаная дэманстрацыя на 150 чалавек, дазволеная законам ва ўмовах эпідэміі, паводле яе, сабрала каля тысячы ўдзельнікаў.
Праз гадзіну арганізатары папрасілі людзей разысціся.
ЯБ/ВЯ belsat.eu