Радавы Аляксандр Неўмяржыцкі, які самавольна пакінуў вайсковую частку 19 сакавіка сёлета, быў выяўлены і затрыманы ў пасёлку Дарожны Смалявіцкага раёна прадстаўнікамі Барысаўскай вайсковай камендатуры.
Пра гэта паведамляе Мінабароны.
Аляксандр Неўмяржыцкі паўтары тыдні таму самавольна сыйшоў з вайсковай часткі ў Печах і знік.
Паводле папярэдніх звестак самавольнае пакіданне часткі не было звязана з якімі-небудзь супрацьпраўнымі дзеяннямі ў дачыненні да гэтага вайскоўца.
Прававая ацэнка правапарушэння будзе дадзена ў межах расследавання крымінальнай справы, заведзенай камандзірам вайсковай часткі 22 сакавіка паводле артыкулу 445 Крымінальнага кодэкса Рэспублікі Беларусь (Самавольнае пакіданне часткі).
СК belsat.eu