Сусветнае антыдопінгавае агенцтва (WADA) на чатыры гады пазбавіла Расею права ўдзельнічаць у буйных міжнародных спартыўных мерапрыемствах. Пра гэта піша ТАСС.
На пасяджэнні ў Лазане (Швейцарыя) 9 снежня выканкам WADA прыняў рэкамендацыю камітэта адносна адпаведнасці арганізацыі пазбавіць РФ на чатыры гады права ўдзельнічаць у буйных спартыўных міжнародных мерапрыемствах, у тым ліку ў Алімпійскіх гульнях і чэмпіянатах свету.
Рэкамендацыя камітэта па адпаведнасці была адобрана аднагалосна, адзначаюць у арганізацыі.
WADA таксама забараніла наведванне міжнародных спартыўных мерапрыемстваў чыноўнікамі РФ і кіраўніцтвам Алімпійскага і Паралімпійскага камітэтаў РФ. Акрамя таго Расею на 4 гады пазбавілі права прымаць ЧС і падаваць заяўкі на іх правядзенне. Спартсмены краіны не змогуць выступаць на Алімпіядах і сусветных першынствах пад сцягам краіны.
Камітэт WADA прапанаваў на 4 гады адхіліць Расею ад міжнародных спаборніцтваў праз падазрэнні, што базай Маскоўскай антыдопінгавай лабараторыі маніпулявалі.
МГ/АА belsat.eu