Ва Украіне развітваюцца з 5-гадовым Кірылам, якога падстрэлілі п'яныя паліцэйскія
З жывымі кветкамі ды жалобнымі вянкамі сваякі, сябры і суседзі сям’і Кірыла Тлявава сабраліся каля іхнага дому апоўдні. Цырымонія развітання ў Пераяславе-Хмяльніцкім Кіеўскай вобласці пачалася з затрыманнем – бабулі хлопчыка стала кепска, ейны стан кантралявалі лекары хуткай дапамогі.
У двор вынеслі маленькую белую труну.
Яе атачылі бліжэйшыя сваякі Кірыла – бацькі і бабуля. Тыя, хто хацеў развітацца з хлопчыкам пайшлі на могілкі. Родныя хлопчкыка ішлі на пачатку працэсіі.
Жалобная працэсія расцягнулася на некалькі вуліц: развітацца з забітым сабралася больш за дзвесце чалавек. Сярод іх выхавальнікі дзіцячага сада, куды хадзіў хлопчык, сябры яго сям’і. Прыйшлі і тыя, хто асабіста не ведаў Кірыла, але хацеў выказаць свае спачуванні сямʼі.
5-гадовы Кірыл Тляваў памёр у шпіталі, не прыходзячы ў прытомнасць увечары ў панядзелак 3 чэрвеня. За яго жыццё змагаліся трое дзён. Лекары ў Пераяславе-Хмяльніцкім і Кіеве зрабілі некалькі аперацый.
Хлопчыка паранілі ў галаву з агнястрэльнай зброі п’яныя паліцыянты 31 мая. Яны стралялі па слоіках і трапілі ў Кірыла. Абодва – былыя супрацоўнікі ДАІ. Уладзіміра Петраўца і Івана Прыходзьку затрымалі. Суд абраў ім захаду стрымання – утрыманне пад вартай на два месяцы без права ўнясення закладу. За забойства дзіцяці паліцыянтам пагражае пажыццёвае зняволенне.
Напярэдадні стала вядома, што Петраўца пасля непраходжання атэстацыі ў 2015 годзе звольнілі, аднак у 2018 суд аднавіў паліцэйскага на пасадзе.
3 чэрвеня каля будынка МУС у Кіеве прайшоў мітынг – сотні актывістаў патрабавалі пакараць вінаватых у смерці дзіцяці. 4 чэрвеня пратэсты з патрабаваннем адстаўкі міністра ўнутраных спраў Арсэна Авакава прайшлі па ўсёй Украіне. У Пераяслаў-Хмяльніцкім актывісты закідалі петардамі ўчастак, дзе працавалі Петравец і Прыходзька.
Станция полиции, где работали вероятные убийцы 5-летнего Кирилла Тлявова. Их коллеги пытались замять дело и утверждали,…
Opublikowany przez Vlada Krasinskiego Wtorek, 4 czerwca 2019
Сёння кіраўнік Нацыянальнай паліцыі Украіны Сяргей Князеў заявіў, што ведамства правядзе маштабнае правяранне «ўсіх фактаў ганебных паводзінаў супрацоўнікаў па-за службаю».
Ганна Рэшэтняк, belsat.eu
