Ва Украіне сарвалі галасаванне на выбарах расейскага прэзідэнта.
Міністэрства ўнутраных справаў Украіны паведамілі, што грамадзянаў РФ, за выключэнне дыпламатаў, не будуць дапускаць на тэрыторыю расейскіх дыпламатычных установаў для ўдзелу ў выбарах прэзідэнта Расеі.
Раніцай 18 сакавіка ў будынак амбасады ў Кіеве, дзе абсталяваны выбарчы ўчастак, паліцыя прапусціла толькі супрацоўнікаў дыпмісіі. Акрамя паліцыі, ля будынку дзяжураць актывісты нацыяналістычных рухаў.
Паведамленне МУС Украіны
У Адэсе расейскі кансулат ачапілі пасля паведамленняў аб яго мінаванні.
У Харкаве і Львове ў кансулаты таксама дапускаюць толькі дыпламатычных супрацоўнікаў.
Раней кіраўнік ЦВК Расеі Эла Памфілава прапанавала расейцам, якія жывуць ва Украіне, у дзень выбараў прэзідэнта прыехаць у памежныя раёны і прагаласаваць там.
НМ, belsat.eu, паводле «Украінская праўда», фотаздымак з «Twitter» МУС Украіны