Ва Украіне маршрутка з беларусамі трапіла ў ДТЗ. Сем параненых, адзін – у цяжкім стане

ДТЗ з удзелам «Mercedes Sprinter» з беларускімі нумарамі здарылася 4 кастрычніка а 6 раніцы на 290-ым км аўтадарогі Адэса–Кіеў. Маршрутка ўрэзалася ў грузавы пад’ёмны кран «Mitsubishi», які ехаў у спадарожным кірунку.

У салоне мікрааўтобуса знаходзіліся восем чалавек. Адзін з пасажыраў, грамадзянін Беларусі, пасля сутыкнення перасеў у іншы аўтамабіль. Інфармацыі пра ягоны стан пакуль няма.

Рэшта пасажыраў пацярпелі: шэсць беларусаў ва ўзросце ад 43-х да 66-ці гадоў, у тым ліку кіроўца мікрааўтобуса, а таксама 30-гадовы жыхар Кіева. З траўмамі рознай ступені цяжкасці іх даставілі ў Крываазёрскі цэнтральны раённы шпіталь. Адна асоба знаходзяцца ў цяжкім стане.

24-гадовы кіроўца падʼёмнага крана, жыхар Адэсы, не пацярпеў.

Паводле ўкраінскіх законаў, вінаватаму ў ДТЗ пагражае турэмны тэрмін ад трох да васьмі гадоў.

Цяпер на месцы здарэння працуе паліцыя.

ДР belsat.eu