У нядзелю, 21 ліпеня, у 08:00 ва Украіне пачалося галасаванне на датэрміновых выбарах дэпутатаў Вярхоўнай Рады. Выбары праходзяць па змяшанай паралельнай прапарцыйна-мажарытарнай сістэме.
На ўчастках выбарцы атрымаюць па два бюлетэні для галасавання за партыю ў агульнадзяржаўнай акрузе і за кандыдата ў аднамандатных выбарчых акругах.
У шматмандатнай акрузе ў выбарах удзельнічае 22 партыі, а ў мажарытарных – больш за 3 тыс. кандыдатаў як ад палітычных сіл, так і ў парадку самавылучэння.
225 дэпутатаў будуць абраныя ад партый, якія перасягнулі выбарчы бар’ер у 5 %, а 119 – у акругах сярод тых, хто атрымаў больш за ўсё галасоў у кожнай з іх.
Паводле апошніх даследаванняў цэнтру Разумкова, у агульнадзяржаўнай акрузе ў склад Вярхоўнай Рады могуць прайсці пяць партыяў: партыя дзейнага прэзідэнта Уладзіміра Зяленскага «Слуга народу» (можа набраць 44,4 % выбарцаў), прарасейская «Апазіцыйныя платформа – за Жыццё» (13,3 %), партыя «Бацькаўшчына» былога прэм’ера Юліі Цімашэнка (8,5 %), «Еўрапейская салідарнасць» былога прэзідэнта Пятра Парашэнкі (7,5 %) і «Голас» музыкі Святаслава Вакарчука (6,8 %).
МГ belsat.eu