Сённяшняя кармленне галубоў у цэнтры Берасця сабрала каля 100 чалавек. Мясцовыя жыхары ўжо больш за год выказваюць свой пратэст супраць будаўніцтва ў горадзе акумулятарнага заводу, паведамляе карэспандэнт belsat.eu з Берасця.
19 траўня ў Берасці прайшло традыцыйнае нядзельнае кармленне галубоў. Акцыя распачалася пасля 12:00 на плошчы Леніна. Пасля гэтага больш за 100 удзельнікаў прайшліся шэсце галоўнай пешаходнай вуліцай Савецкай да праспекту Машэрава. Натоўп суправаджала міліцэйская машына.
«Сярод удзельнікаў быў увесь касцяк актывістаў, якія ладзяць пратэст ад лютага 2018-га. Сын Майсея Мазько, Дзяніс, на якога завялі крымінальную справу, прыйшоў на акцыю разам з жонкай і сынам, нягледзячы на пераслед», – распавяла карэспандэнтка «Белсату» Кацярына Андрэева з месца падзеяў.
Міліцыянты двойчы папярэдзілі ўдзельнікаў акцыі праз мегафон аб тым, што сход несанкцыянаваны і прасіла разысціся.
Каля ЦУМу дзяжурыў таксама АМАП. Апроч гэтага, на акцыі прысутнічалі каля дзясятка міліцыянтаў у цывільным, якія вялі відэаздымку.
-
Кармленне галубоў – гэта берасцейскі брэнд. Топ-10 фактаў пра барацьбу супраць акумулятарнага заводу
Падчас акцыі нікога не затрымалі.
ДД belsat.eu
