Закрытыя школы, заблакаваныя дарогі і паралізаваны транспарт. Бразільскія прафсаюзы вывелі людзей на вуліцы ў абарону сваіх правоў.
Агульнанацыянальны страйк распачаўся ў Бразіліі ўвечары пятніцы. Маштабныя дэманстрацыі супраць абяцанага ўрадам скарачэння бюджэтных расходаў адбыліся ў Рыо-дэ-Жанейра, Сан-Паўлу і Бразіліа.
Пратэстоўцы падпальвалі аўтобусы і перакрывалі дарогі, у некаторых месцах адбыліся сутыкненні з паліцыяй. У Рыо-дэ-Жанейра паліцыя ўжыла супраць дэманстрантаў слезацечны газ, а ў Сан-Паўлу пратэстоўцы зладзілі марш на рэзідэнцыю прэзідэнта Мішэль Тэмера.
Настаўнікі, рабочыя, кіроўцы, медыкі і нафтавікі пратэстуюць супраць прапанаваных урадам зменаў у заканадаўстве, якія пазбавяць працоўных некаторых правоў
Даніэла Барбоза, настаўніца пачатковай школы, кажа ў размове з The Guardian, што прапанаваныя змены ў пенсійнай сістэме змусяць яе працаваць некалькі гадоў болей, чым яна хацела.
Гэта першая за мноства гадоў забастоўка, якая прайшла па ўсёй краіне – у 26 штатах.
ДД
