Большасць грамадзянаў РФ не чакаюць паляпшэння становішча ў будучыні. Пра гэта сведчаць апублікаваныя звесткі апытання Усерасейскага цэнтру вывучэння грамадскай думкі.
Агулам сацыёлагі зафіксавалі значнае зніжэнне ўзроўню сацыяльнага аптымізму: толькі чвэрць апытаных лічаць, што праз год іх сям’я будзе жыць лепей, чым зараз. Столькі ж рэспандэнтаў выказалі перасцярогу, што сітуацыя можа пагоршыцца.
Індэкс ацэнкі эканамічнай сітуацыі ў краіне ў параўнанні з леташнімі паказнікамі таксама знізіўся. Акрамя таго, некаторае зніжэнне паказаў і індэкс ацэнак палітычнай абстаноўкі, знізілася ацэнка і агульнага вектару развіцця краіны.
СК, belsat.eu