Times: Японія збіраецца адмяніць летнюю Алімпіяду ў 2021 годзе

Урад Японіі шукае магчымасць адмяніць летнія Алімпійскія і Паралімпійскія гульні на фоне ўскладнення сітуацыі з пандэміяй каранавіруса. Аб гэтым піша газета Times са спасылкай на свае крыніцы. Пры гэтым японскія ўлады адмаўляюць такі варыянт развіцця падзей, паведамляе Vot Tak TV.

Газета Times паведаміла, што японцы імкнуцца знайсці прымальны варыянт адмовы ад спаборніцтваў і разлічваюць прыняць у сябе турнір у 2032 годзе. Пводле крыніцы выдання, улады Японіі ўжо прыйшлі да згоды, што з-за пандэміі ў 2021 годзе гульні ў Токіо правесці не атрымаецца. Планам перашкодзіць зімовая ўспышка каронавіруса. Справа за малым: адмовіцца ад спаборніцтваў, захаваўшы твар — піша выданне.

Инсталляция с олимпийскими кольцами в морском парке Одайба, Токио, Япония. 16 января 2021 г. Фото: Stanislav Kogiku / Zuma Press / Forum

Зрэшты, урад Японіі абверг інфармацыю брытанскай газеты аб разглядзе японскай бокам варыянту адмены Алімпійскіх гульняў у Токіо.

«Алімпійскія гульні павінны стаць сімвалам перамогі чалавецтва над каронавірусам. Мы працягваем цесна супрацоўнічаць з адміністрацыяй Токіо і МАК з мэтай правядзення бяспечных спаборніцтваў», – заявіў прэм’ер-міністр Японіі Ёсіхідэ Суга.

Прэзідэнт Міжнароднага алімпійскага камітэта Томас Бах таксама ў інтэрв’ю японскаму агенцтву Kyodo выключыў магчымасць паўторнага пераносу або адмены гульняў у Токіа.

Першапачаткова такійская Алімпіяда мусіла прайсці з 24 ліпеня па 9 жніўня 2020 года, але яе адмянілі з-за эпідэміі. Правядзенне гульня запланавана на перыяд з 23 ліпеня па 8 жніўня 2021 года. На 25 сакавіка гэтага года запланаваны старт эстафеты Алімпійскага агню.

АВ/МВ Vot Tak TV
Падпісвайся на telegram Белсату

Hавiны