Ліміт вонкавых дзяржаўных пазыкаў у наступным годзе павялічаны да 21 мільярда долараў. Пры гэтым яшчэ ў 2017 годзе максімальная мяжа пазыкаў была ўстаноўлена на ўзроўні 17,85 мільярдаў долараў ЗША.
Сёлета, згода з рэспубліканскім бюджэтам, ліміт вонкавых дзяржаўных пазыкаў складае 19,6 мільярдаў долараў ЗША. Пры гэтым па стане на 1 верасня памер пазыкаў краіны знаходзіўся на ўзроўні 16.6 мільярдаў долараў.
Пры гэтым агулам дзяржаўны доўг нашай краіны па стане на перашага верасня склаў ажно 44 мільярды рублёў. Аналітыкі агенцыі Fitch адзначаюць, пазыкі Беларусі маюць некалькі важных аспектаў, якія выклікаюць заклапочанасць і рызыкі для эканомікі. У прыватнасці на 90% дзяржаўныя пазыкі сфармаваны ў замежнай валюце. Па-другое, эксперты перакананы, што насамрэч дзяржаўны доўг Беларусі яшчэ з 2017 году перавышае парогавае значэнне для краіны. Мінфінам устаноўлены ліміт у памеры 45 % ВУП. Але напрыканцы 2107 году пазыкі дасягнулі амаль 53 % валавога ўнутранага прадукту.
Рост вонкавых пазыкаў у наступным годзе абумоўлены планамі атрымання ў 2019 годзе дзяржкрэдыту ад Расеі ў памеры 1 мільярда долараў ЗША. Акрамя таго беларускія ўлады маюць намер размясціць бонды на суму каля паўмільярда долараў ЗША, а таксама выпуску дзяржаўных аблігацый, намінаваных у расейскіх рублях на Маскоўскай біржы. Адметна, што новыя пазыкі будуць прызначаныя для аплаты бягучых даўгавых абавязацельстваў.
СК, belsat.eu