Савет Міністраў Беларусі ўнёс новую каронавірусную інфекцыю ў пералік захворванняў, якія дазваляюць бясплатнае забеспячэнне грамадзянаў лекамі паводле рэцэптаў лекараў пры амбулаторным лячэнні і лячэбным харчаванні.
Адпаведная пастанова № 344 ад 15 чэрвеня была апублікаваная 17 чэрвеня на Нацыянальным прававым інтэрнэт-партале.
Інфекцыя, выкліканая COVID-19, уключаная ў спіс пасля хваробы, выкліканай вірусам імунадэфіцыту чалавека.
Агулам у пераліку каля 100 захворванняў, якія даюць права бясплатнае забеспячэнне лекамі.
Пастанова ўступае ў моц пасля афіцыйнага апублікавання.
МГ belsat.eu