У Беларусі распачалі комплексны маніторынг стану дзяржпрадпрыемстваў. Першы намеснік Прэм’ер-міністра Дзмітрый Круты распавёў, якія змены чакаюць дзяржсектар, паведамляе прэсавая служба ўраду.
«Падчас працы з Сусветным банкам, Міжнародным валютным фондам, падчас ацэначных місіяў, якія адбываюцца ў нашай краіне, найважнейшы блок – гэта дзяржсектар, падзел прадпрыемстваў на стратэгічныя, прадпрыемствы сярэдняга ўзроўню і тыя, якія знаходзяцца ў нездавальняючым фінансавым стане», – адзначыў Дзмітрый Круты.
Дзмітрый Круты распавёў, што неўзабаве ў Беларусі зʼявіцца паўнавартасны рынак акцыяў. Акрамя таго, урад краіны распачне рыхтаванне новага закону аб дзяржаўных прадпрыемствах, які пазначаны як адзін з галоўных для новага складу парламенту.
12 лютага кіраўнік Нацбанку Павел Калаур, каментуючы зніжэнне стаўкі рэфінансавання, адзначыў галоўныя рызыкі для росту інфляцыі ў нашай краіне. На думку старшыні Нацыянальнага банку нявызначанасць для росту інфляцыі стварае галоўным чынам недастатковая эфектыўнасць рэальнага сектару эканомікі.
СК belsat.eu
