Упершыню за 43 гады на Кубе абралі прэзідэнта краіны


Упершыню з 1976 года на Кубе абралі прэзідэнта, ім стаў Мігель Дыяз-Канэль. Кіраўніка краіны абралі дэпутаты Нацыянальнай асамблеі. Пра гэта паведамляе Granma, афіцыйнае выданне ЦК Кампартыі Кубы.

Дыяз-Канэль раней узначальваў Кубу на пасадзе старшыні Дзяржсавета з красавіка 2018 года. Палітык стаў першай асобай не з сям’і Кастра, які ўзначаліў Выспу Свабоды з моманту камуністычнай рэвалюцыі.

Менавіта пад яго началам былі ўнесеныя змены ў Канстытуцыю краіны, паколькі з 1976 году на Кубе не было пасады прэзідэнта.

Hавiны
Кубу ўзначаліў новы лідар – Мігель Дыяс-Канэль
2018.04.19 17:02

Акрамя кіраўніка краіны абралі і віцэ-прэзідэнта Кубы. Ім стаў першы намеснік Дыяз-Канэля ў Дзяржсавеце Сальвадор Вальдэс Меса.

Змены на Кубе адбыліся пасля смерці ў 2016 годзе Фідэля Кастра. З таго часу краіна адчынілася для Захаду. У тым ліку істотна палепшыліся стасункі з ЗША.

Hавiны
Рауль Кастра сыдзе ў адстаўку ў красавіку 2018 года
2017.12.22 08:43

СК belsat.eu

Стужка навінаў