Першыя 20 кураснтак Інстытуту памежнай службы распачалі заняткі ў межах «курсу маладога байца».
Заняткі адбываюцца на базе навучальнага цэнтру Інстытуту ў Смаргоні. «Агулам у 2016 годзе ў інстытут паступілі 100 курсантаў, з іх 20 дзяўчат, якія нароўні, а ў некаторых дысцыплінах нават лепш дэманструюць здольнасці да асваення вайсковай справы», – паведамляе сайт навучальнай установы.
У межах падрыхтоўкі курсанткі праходзяць фізпадрыхтоўку, вывучаюць устаў, стральбу. 27 жніўня новыя курсанты і курсанткі прымуць прысягу на вернасць Беларусі.
МЛ, belsat.eu
Фота ips.gpk.gov.by
