Улады прыдумляюць новыя спосабы барацьбы з кіроўцамі, якія падтрымліваюць пратэст на вуліцах
З пачатку вясны пачынае дзейнічаць закон, паводле якому ў кіроўцаў могуць забраць правы за гудок каля правядзення масавых мерапрыемстваў ці за блакаванне вуліц, піша Onliner.
У новым КаАП з’явіўся пункт 18.13.4 «Парушэнне асобай, якая кіруе транспартным сродкам, правілаў карыстання гукавымі сігналамі ў месцы правядзення масавага мерапрыемства». За гэта прадугледжаны штраф да 10 базавых велічынь з пазбаўленнем правоў да 1 года або без пазбаўлення.
Нагадаем, што ровар таксама з’яўляецца транспартным сродкам і ён павінен мець гукавы сігнал.
Гэта значыць, што за любы гудок, пададзены не дзеля прадухілення ДТЗ змогуць аштрафаваць на 290 рублёў, пазбавіць правоў на год, калі побач праходзіць мерапрыемства. Аднак у кодэксе не пазначаецца, пра якія менавіта масавыя мерапрыемствы ідзе гаворка – санкцыянаваныя ці не.
Паводле закону РБ «Аб масавых мерапрыемствах» пад гэта азначэнне трапляюць сход, мітынг, вулічнае шэсце, дэманстрацыя, пікетаванне, спартыўна-масавае, культурнае, рэлігійнае мерапрыемства, што праводзяцца ў спецыяльна не прызначаных для гэтай мэты месцах пад адкрытым небам або ў памяшканні.
Акрамя таго, становіцца больш жорсткай адказнасць за наўмыснае блакаванне дарог. Уведзены новы пункт – артыкул 18.1.2 КаАП «Наўмыснае блакаванне транспартных камунікацый асобай, якая кіруе транспартным сродкам, у месцы правядзення масавага мерапрыемства альбо пацягнуўшае стварэнне аварыйнай абстаноўкі». За такое парушэнне збіраюцца штрафаваць да 50 базавых з пазбаўленнем правоў ад аднаго да двух гадоў або без пазбаўлення.
АД, belsat.eu
