Уздзенскі раённы выканаўчы камітэт спрабуе прадаць Крыжаўзвіжанскі касцёл ва Уздзе, пабудаваны яшчэ ў 1798 годзе расейскім генералам Казімірам Завішам.
Касцёл акружаны каменнай агароджай з брамай, а ў пачатку ХХ стагоддзя да яго прыбудавалі цагляную апсіду.[/vc_column_text][vc_single_image image=”152745″ img_size=”large”][vc_column_text]Гэтак некалі выглядаў касцёл ва Уздзе. Фота radzima.org[/vc_column_text][vc_column_text]У 1843 годзе ў гэтай святыні ахрысцілі Дамініка Луцэвіча – бацьку вялікага беларускага паэта і драматурга Янкі Купалы. Як і шмат якія рэлігійныя будынкі, у савецкі час гэты архітэктурны помнік быў перапрафіляваны ў раённы Дом культуры. У гэтым статусе ён і застаецца да гэтага часу.
Агульная плошча памяшканняў без скляпоў – 534 квадратныя метры. У будынку ёсць электрычнасць, ацяпленне, водаправод і каналізацыя.[/vc_column_text][vc_single_image image=”152735″ img_size=”large”][vc_column_text]Захавалася адрэстаўраваная агароджа з уязной брамай з буту і чырвонай цэглы, а ў апсідзе цяпер размяшчаецца кацельня.
Будынак двухпавярховы. На першым паверсе размешчаная глядзельная зала ўмяшчальнасцю 240 месцаў, гардэроб і складское памяшканне. На другім паверсе фае і 7 рабочых кабінетаў. Разам з будынкам пакупніку перадаецца ў арэнду на 99 гадоў зямельны ўчастак плошчай 0,3973 га.[/vc_column_text][vc_single_image image=”152739″ img_size=”large”][vc_column_text]Пачатковы кошт лота – Br 259 438 410 рублёў, ці крыху менш за $ 13 тыс.
Мэтавае прызначэнне будынку змяняць можна – галоўнае, каб пры рэканструкцыі ці рамонце быў захаваны яго вонкавы выгляд і «гісторыка-стылістычныя асаблівасці». Гэта значыць пераможца гандляванняў зможа адкрыць там, напрыклад, кавярню, міні-гатэль, рэстаран або офісы. Пры змене мэтавага прызначэння будынку, каб выкарыстоўваць яго для размяшчэння адміністрацыйных, грамадскіх, гандлёвых, жылых, забаўляльных абʼектаў, прадпрыемстваў па абслугоўванню насельніцтва і іншых вытворчасцяў, размяшчэнне якіх дапускаецца ў зоне жылой забудовы, можна будзе змяніць мэтавае прызначэнне і зямельнага ўчастка.
Гандляванні пройдуць 26 красавіка на пляцоўцы «БУТБ-Маёмасць».
МЯ, паводле tut.by
