Улады не спяшаюцца адвязваць дарожны збор ад тэхагляду


Старшыня Пастаяннай камісіі Палаты прадстаўнікоў па прамысловасці, паліўна-энергетычным комплексе, транспарце і сувязі Андрэй Рыбак лічыць, што рашэнне пачакаць з указам аб змене плацяжоў за ўдзел у дарожным руху дазволіць лішні раз узважыць усе плюсы і мінусы.

Раней анансавалася, што новы ўказ пачне працаваць з 1 красавіка. Праект указу быў падрыхтаваны і ў сакавіку накіраваны на разгляд у адміністрацыю кіраўніка краіны. Але ўлады вырашылі не спяшацца.

«Рашэнне да гэтага часу не прынята. Напэўна, гэта звязана з тым рэзанансам у грамадстве, які выклікаў гэты праект. Я думаю, што гэта апраўдана. Трэба ўзважыць яшчэ раз усе плюсы і мінусы і прыняць сапраўды кампраміснае рашэнне», – адзначыў Андрэй Рыбак у эфіры АНТ.

Паводле праекту ўказа, які прайшоў грамадскае абмеркаванне, прадугледжваецца адвязванне транспартнага збору ад тэхагляду. Аўтааматары змогуць аплочваць падатак на тэрмін пачынаючы ад аднаго месяцу праз АРІП. Разам з тым меркавалася ўзмацненне сістэмы кантролю за зборам гэтага падатку.

Калі новаўвядзенні запрацуюць – пакуль не вядома.

Hавiны
Як будзе размяркоўвацца дарожны збор: каментар дэпутата
2019.01.21 12:48

СК belsat.eu

Стужка навінаў