У медыкаў а таксама працаўнікоў бюджэтнай сферы заробкі ў 2020 годзе істотна вырастуць, паабяцаў намеснік прэм’ер-міністра Беларусі Ігар Петрышэнка. Яго заявы прагучалі ў эфіры праграмы «Контуры» на тэлеканале АНТ.
«У розных сферах павелічэнне заробкаў будзе плаваючым. Міністр у сваёй сферы будзе планаваць пэўныя надбаўкі», – сказаў Ігар Петрышэнка.
Віцэ-прэмʼер распавёў, што павялічыць заробкі медыкаў загадаў кіраўнік краіны Аляксандр Лукашэнка.
«Ужо цяпер у межах бюджэту пралічваецца павышэнне іх заробкаў на 10-15 %», – сказаў Ігар Петрышэнка.
Паводле віцэ-прэмʼера ўрад плануе павысіць заробкі не толькі медыкам, але і настаўнікам, працаўнікам сацыяльнай сферы, культуры, а таксама іншым бюджэтнікам.
СК belsat.eu
