Пісьменніку забаранілі ўезд у Беларусь. Пра гэта Жадан напісаў у «Facebookʼу».
[/vc_column_text][vc_column_text]Працаўнікі сталічнай міліцыі прыйшлі ў гатэльны нумар Сяргея Жадана ноччу і забралі яго ў аддзяленне, дзе высветлілася, што паэту забаронены ўезд на тэрыторыю РФ (за «датычнасць да тэрарыстычнай дзейнасці»).
«Давялося начаваць у камеры. Раніцай доўга пісалі тлумачэнні і распытвалі пра тэрарызм. Зрэшты, паставілі ў пашпарт штамп аб забароне ўезду ў Беларусь на нявызначаны тэрмін», – напісаў Жадан.
Сяргей Жадан звярнуўся з просьбаю адрэагаваць на інцыдэнт да ўкраінскага МЗС і амбасады Украіны ў Беларусі.
«Давайце, скажам, разарвем з імі дыпламатычныя адносіны. Або абʼявім ім Крыжовы паход. Калі ласка», – прапануе пісьменнік.
Украінскі пісьменнік прыехаў у Менск на кніжную выставу і Стральцоўскі літаратурны фэст.
Сёлета беларускія праваахоўнікі запатрабавалі пакінуць тэрыторыю Беларусі карэспандэнта Грамадскага тэлебачання Данбасу Віталя Сізова, які трапіў у расейскі спіс непажаданых асобаў.
ЮВ, belsat.eu