Кіраўнік грамадскай арганізацыі «Народ Украіны супраць карупцыі» Генадзь Маскаль звярнуўся да Генеральнага пракурора Украіны Ірыны Венедыктавай з паведамленнем аб злачынстве кіраўніка парламенцкай камісіі па энергетыцы Андрэя Геруса.
Як паведамляе сайт Генадзя Маскаля, які, працуючы намеснікам кіраўніка СБУ, курыраваў контрвыведку, у дзеяннях Андрэя Геруса прыкметы дзяржаўнай здрады.
У сваім звароце Генадзь Маскаль, у прыватнасці, сцвярджае, што прадпрыемства Геруса нібыта атрымала ад швейцарскай фірмы $ 1 млн, якую, як стала вядома пазней, заснавалі расейскія спецслужбы для аплаты сваёй агентуры ва Украіне.
Акрамя таго, як адзначае грамадскі дзеяч, Герус быў ініцыятарам шэрагу судовых пазоваў з мэтай аслабіць энергетычную бяспеку Украіны.
Маскаль сцвярджае, што пасля абрання кіраўніком камітэту Вярхоўнай Рады па энергетыцы Герус спрабаваў працягнуць прыняцце паправак, якія б дазволілі аднавіць імпарт электраэнергіі з Беларусі. Паводле яго, пасля абвалу энергарынку Украіны Беларусь мусіла б адмовіцца ад экспарту электраэнергіі ва Украіну, што прывяло б да краху энергасістэмы Украіны з далейшым яе пераходам пад кантроль Расеі.
Дзеяч адзначае, што імпарт электраэнергіі з Беларусі па дэмпінгавых цэнах выгадны алігархам Ігару Каламойскаму і Віктару Пінчуку.
МГ belsat.eu