25 гадоў таму Украіна аднавіла незалежнасць.
З гэтай нагоды 24 жніўня ў Кіеве пройдзе маштабны вайсковы парад, які распачынаецца а 10-й гадзіне.
Жыхары ўкраінскіх абласных цэнтраў змогуць назіраць за парадам на вялікіх экранах, усталяваных на галоўных плошчах сваіх гарадоў.
Відэа-онлайн святкавання Дня незалежнасці Украіны
Таксама сёння ўсе рэгіёны Украіны будуць адначасова выконваць дзяржаўны гімн.
Пасля параду адбудзецца Марш Няскораных – шэсце людзей, якія страцілі сваіх блізкіх падчас падзеяў Рэвалюцыі Годнасці і ў вайсковых дзеяннях на ўсходзе Украіны. Пачатак шэсці – а 12-й.
24 жніўня 1991 года Вярхоўны савет Украінскай ССР прыняў акт абвяшчэння незалежнасці Украіны. Менавіта гэтая дата стала пасля афіцыйным дзяржаўным святам.
НМ, belsat.eu, фотаздымак day.kyiv.ua