Украінскія ўлады перадалі «Данецкай народнай рэспубліцы» восем грамадзянаў Расеі ды аднаго грамадзяніна Беларусі. Пра гэта паведаміла прадстаўніца сепаратыстаў Дар’я Марозава.
Агулам украінскі бок перадаў перадаў «ДНР» 61 чалавека, у тым ліку восем грамадзянаў Расеі ды аднаго Беларусі, піша «Интерфакс-Запад».
Таксама сепаратыстам перадалі двух былых працаўнікоў спецпадраздзялення «Беркут», якія ўдзельнічалі ў падзеях на кіеўскім Майдане ў пачатку 2014 года.
Марозава заявіла пра планы працягнуць працу адносна спісаў і тых, хто знік без вестак.
Падчас абмену палоннымі на кантрольна-прапускным пункце пад Горлаўкаю Данецк перадаў Кіеву 52 чалавек і атрымаў 60. Луганск аддаў украінскаму боку 25 палонных і забраў 63 сваіх прыхільнікаў.
МГ belsat.eu