22 мая на пасяджэнні Міжведамаснай камісіі міжнароднага гандлю Украіны былі ўзгодненыя абмежавальныя меры адносна ўвозу асобных групаў тавараў на тэрыторыю краіны.
«Па выніках антыдэмпінгавага расследавання ўвозу запалак ва Украіну, якія адбываюцца з Рэспублікі Беларусь і Расейскай Федэрацыі, для Беларусі ўстаноўленае антыдэмпінгавае мыта ў памеры 21,32 %, а для Расейскай Федэрацыі – 45,79 %», – паведамілі ў Міністэрстве развіцця эканомікі, гандлю і сельскай гаспадаркі Украіны.
Таксама ўведзенае мыта ў дачыненні да шэрагу тавараў з Кітаю.
У студзені–сакавіку 2020 года, паводле Белстату, Беларусь паставіла ва Украіну тавараў на $ 704,2 млн. Гэта на 15,4 % менш у параўнанні з аналагічным перыядам мінулага году.
МГ belsat.eu