УБЭП паведамляе пра затрыманне за хабарніцтва яшчэ аднаго чыноўніка


Аператыўнікі менскага Упраўлення па барацьбе з эканамічнымі злачынствамі затрымалі ў момант атрымання хабару 48-гадовага старшыню камісіі па падрыхтоўцы і правядзенні дзяржаўных закупак адной з дзяржаўных арганізацыяў Гомельшчыны.

Назва арганізацыі праваахоўнікі не агучваюць.

Па дадзеных УБЭП, дзяржслужбоўца «прыняў для сябе асабіста грошы ад дырэктара адной сталічнай камерцыйнай арганізацыі за спрыяльнае вырашэнне пытання па выбары яе ў якасці пераможцы працэдуры дзяржаўнай закупкі за кошт дзяржаўных бюджэтных сродкаў вадалазнага абсталявання». Пра гэта паведамляе ГУУС Менгарвыканкаму.

У дачыненні да асобы, якая атрымала хабар, распачатая крымінальная справа па ч.1 арт. 430 КК Рэспублікі Беларусь («атрыманне хабару»). Ён затрыманы і змешчаны ў ізалятар часовага ўтрымання Гомельскага аблвыканкаму. Яму пагражае пазбаўленне волі на тэрмін да 7 гадоў.

ІІ, belsat.eu

Глядзі таксама
Каментары