Гарві Ўайнстэйна асудзілі да 23 гадоў пазбаўлення волі за гвалт і сексуальную жорсткасць, паведамляе агенцтва «АР».
Суд над галівудскім прадзюсарам Гарві Ўайнстэйнам распачаўся ў ЗША 6 студзеня сёлета. 67-гадовага Ўайнстэйна абвінавачвалі ў згвалтаванні і ў прымусе да аральнага сексу ў 2013 і 2006 гадах.
Напрыканцы 2017 года Гарві Ўайнстэйна абвінавацілі ў сексуальных дамагальніцтвах. З восені 2017 года больш за 80 жанчын распавялі пра дамаганні і гвалт з боку Гарві Ўайнстэйна. Пацярпелыя ад харасмэнту аб’ядналіся ў адмысловы рух супраціву і распавялі свае гісторыі пад гэштэгам #MeToo.
24 лютага прадзюсара прызналі вінаватым, Ўайнстэйну надзелі кайданкі ў залі суда. 11 сакавіка суд агучыў прысуд – 23 гады пазбаўлення волі.
Раней прадзюсара выключылі з усіх прафесійных аб’яднанняў. Гільдыю рэжысёраў Амерыкі 28 лістапада Ўайнстэйн пакінуў сам, не чакаючы прыняцця рашэння аб выключэнні.
СК belsat.eu