У Саўт-Рывэры, штат Нью-Джэрсі, ЗША 6 красавіка памёр паэт Міхась Кавыль.
Пра гэта са спасылкай Янку Запрудніка паведаміла nn.by
Дзень разьвітання з беларускім паэтам пакуль не вызначаны. Але пахаваюць Міхася Кавыля на беларускіх могілках у Саўт-Рывэры.
Паэт Міхась Кавыль (сапраўднае імя — Язэп Лешчанка) нарадзіўся на Случчыне 1 снежня 1915 году, а бальшыню жыцця пражыў у Амерыцы, у Саўт-Рывэры, штат Нью-Джэрсі. Там пасялілася шмат беларусаў, якія трапілі ў ЗША.
У эміграцыі Кавыль выдаў зборнікі паэзіі «Ростань», «Пад зоркамі белымі», «Цяжкія думы», «Міжагнёўе».
ВД, Belsat.eu