Нацыянальная авіякампанія звязала Менск з папулярным украінскім горадам.
Рэгулярныя рэйсы «Белавія» будзе выконваць з 17 жніўня чатыры разы на тыдзень з аўторка па суботу. Згодна з раскладам вылет з Менску а 13:10 і вяртанне са Львова а 15:20. Кошт квіткоў складзе прыкладна 120 еўра.
Новы рэйс «Белавія» Львоў – Менск дазваляе перасаджвацца ў беларускай сталіцы на рэйсы ў Маскву ў рамках адзінага квітку з чаканнем у адну гадзіну на ўласныя рэйсы, а таксама з больш доўгім чаканнем на рэйсы авіякампаніі «Ютэйр».
Актыўна адкрываць новыя рэйсы ўва Украіну беларуская кампанія пачала пасля таго, як 25 кастрычніка 2015 года спыніліся авіязносіны паміж Украінай і Расеяй. Закрыццё наўпроставага авіязлучэння паміж двума суседкамі стала прычынай з’яўлення новага транзітнага хабу – аэрапорту «Менск-2». Колькасць рэйсаў сюды павялічылася ў разы, а маршрутная сетка палётаў з Менску ва Украіну пашырылася. На дадзены момант «Белавія» акрамя новага маршруту ўжо лётае ў Адэсу, Харкаў ды кіеўскія лётнішчы ў Барыспалі і Жулянах.
ДР belsat.eu