Здарэнне адбылося ў Жлобіне ў ноч з 9 на 10 жніўня. Паводле прэс-службы МУС, п’яны 60-гадовы мясцовы жыхар удзельнічаў у мітынгу.
Мужчына ўзяў адну пластыкавую і дзве шкляныя бутэлькі і па чарзе кінуў іх у інспектара ДАІ. Адна з бутэлек разбілася аб галаву міліцыянта.
У хуткім часе мужчыну затрымалі, следчыя распачалі крымінальную справу за гвалт у дачыненні да супрацоўніка органаў унутраных спраў.
4 лістапада суд Жлобінскага раёна прызнаў абвінавачанага вінаватым і прызначыў яму 4 гады пазбаўлення волі з адбываннем пакарання ў папраўчай калоніі агульнага рэжыму.
Таксама жыхар Жлобіну мусіць заплаціць міліцыянту 1500 рублёў у якасці кампенсацыі маральнай шкоды.