Інфармацыя пра адстаўку старшыні Заслаўскага гарвыканкаму Святланы Карташовай з’яўляецца няпраўдай, паведамілі карэспандэнту «Белсату» ва ўстанове. Пра тое, што кіраўніца гарвыканкаму Заслаўя сышла ў адстаўку, паведаміў тэлеграм-канал «Беларусь головного мозга».
«Цяпер шмат чыноўнікаў з самых розных вобласцяў робяць тое ж самае, жадаючы быць з народам», – гаворыцца ў паведамленні.
Разам з тым у Заслаўскім гарвыканкаме звесткі пра адстаўку Святланы Карташовай абвяргаюць.
«Гэта няправільная інфармацыя. У адстаўку яна не падае. Уся інфармацыя ў Менскім райвыканкаме. Але гэта няпраўда. Засмуціць гэта кагосьці ці ўзрадуе. Гэта няпраўда. Гэтай фэйк», – адзначылі ў прыёмнай.
Сама Карташова ў гэты час была не на месцы.
А аддзеле кадраў Менскага райвыканкаму кажуць, што нічога не ведаюць пра адстаўку, «ніякіх дакументаў не паступала».
МГ belsat.eu
