Госця з Расеі ўчыніла дэбош у фестывальным Віцебску. Пра гэта паведамілі ва ўпраўленні ўнутраных справаў мясцовага аблвыканкаму. Інцыдэнт здарыўся 11 ліпеня.
35-гадовая жыхарка Масквы спачатку ў адной з цэркваў гораду беспадстаўна нанесла цялесныя пашкоджанні мясцовай прыхаджанцы. А затым села ў сваю машыну і ўчыніла ДТЗ з удзелам чатырох аўтамабіляў. Ніхто не пацярпеў, але аўтамабілі былі пашкоджаныя.
Жанчыну затрымалі супрацоўнікі ДАІ.
З прычыны таго, што кіроўца паводзіла сябе неадэкватна, яе перадалі лекарам.
МГ belsat.eu