У Відзах пазбавіліся ад гербу Расейскай імперыі


З памятнага знаку, усталяванага ў мястэчку Відзы Браслаўскага раёну ў гонар заснавання ў 1803 годзе Відзаўскай павятовай вучэльні, знялі выяву гербу Расейскай імперыі і ўсе надпісы пра тое, што вучэльню заснавалі на ўказ цара Аляксандра І.

Фотаздымак памятнага знаку з выявай расейскага гербу на пачатку жніўня змясціў у «Facebook’у» журналіст Зміцер Казакевіч. Пасля гэтага быў арганізаваны збор подпісаў за дэмантаж у Відзах каменя.

Прыехаў на радзіму – і на табе: камень. Мала было кавярні "Традиция 1803", дык яшчэ камень упёрлі, дзьвюхгаловую…

Opublikowany przez Zmicier Kazakevicz Poniedziałek, 5 sierpnia 2019

Міністэрства культуры, выявіўшы «шэраг гістарычных супярэчнасцяў у надпісе на памятным знаку», запатрабавала ад Браслаўскага райвыканкаму і Віцебскага аблвыканкаму «прыняць меры па факце ўсталявання памятнага знаку з парушэннем дзейнага заканадаўства».

Атрымаў адказ з Міністэрства культуры на петыцыю з просьбай дэмантаваць памятны камень з гербом Расійскай імперыі,…

Opublikowany przez Zmicier Kazakevicz Piątek, 6 września 2019

У выніку ўсе надпісы і выявы са знаку прыбралі, паведамляе радыё «Свабода».

Аднак Міхаіл Смірноў, дырэктар Відзаўскага дзяржаўнага прафесійна-тэхнічнага каледжу, за грошы якога і быў усталяваны знак, лічыць, што выяўленыя гісторыкамі супярэчнасці «не вартыя выедзенага яйка». Але, заявіў ён, як «няўгодна людзям, то радзі бога».

Як пахарашэла Смаргонь без Леніна. ФОТАФАКТ

МГ belsat.eu

Глядзі таксама
Каментары