У Варшаве ў суботу, 15 ліпеня, некалькі сотняў чалавек выйшлі да прэзідэнцкага палаца на акцыю пратэсту супраць судовай рэформы.
Пра гэта паведамляе Gazeta Wyborcza.
На дэманстрацыю, арганізаваную левай апазіцыйнай партыяй «Разам», людзі прыйшлі з транспарантамі «Хочам вета» і «Ганьба».
Дэманстранты патрабавалі ад прэзідэнта Анджэя Дуды накласці вета на законапраект, які дазваляе дэпутатам і кіраўніку Мінюста прызначаць суддзяў без кансультацыі з судзейскімі коламі.
Дэманстрацыі супраць судовай рэформы запланаваны ў Варшаве і на нядзелю.
КА, belsat.eu
