У парку баявых машынаў у Горадні 12 лістапада здарыўся пажар. Пра гэта паведамілі ў Міністэрстве абароны Беларусі.
Пацярпелых у выніку здарэння няма. Пашкоджаныя тры «ўзоры ўзбраення».
Прычыны ўзгарання высвятляюцца. На месцы працуе камісія Мінабароны на чале з намеснікамі кіраўніка ведамства па ўзбраенні ды па тыле.
Як паведамляе NEXTA, пажар адбыўся на тэрыторыі вайсковай адзінкі №05733 у мікрараёне Фолюш. Гарэлі боксы, у якіх захоўваецца баявая тэхніка.
У выніку тры танкі цалкам згарэлі, а некалькі боксаў знішчаныя выбухамі.
МГ belsat.eu
