У Турцыі паліцыя затрымала Эбру Умар, якая тыдзень таму раскрытыкавала турэцкага прэзідэнта Рэджэпа Таіпа Эрдагана (Recep Tayyip Erdoğan).
Нідэралндскую журналістку турэцкага паходжання арыштавалі ўвечары ў суботу на курорце Кушадасы (Kuşadası), што на захадзе Турцыі.
Міністэрства замежных спраў Нідэрландаў пацвердзіла затрыманне.
На мінулым тыдні спадарыня Умар апублікавала ў газеце «Metro» артыкул, у якім скрытыкавала прадстаўнікоў турэцкага консульства ў Нідэрландах. Дыпламаты заклікалі турак, якія жывуць у Галандыі, паведамляць пра абразы ў бок прэзідэнта Эрдагана. Як падае агенцтва Reuters, у артыкуле журналістка назвала Эрдагана дыктатарам.
Пасля шквалу крытыкі заклік турэцкіх дыпламатаў у Нідэрландах адклікалі.
МЯ, паводле bbc.com, reuters.com
