Выбух адбыўся побач з мячэццю. Гарадскія ўлады заявілі, што гэта тэракт, які здзейсніла 25-гадовая смяротніца. Акрамя яе ў выніку выбуху ніхто не загінуў. Паведамляецца пра мінімум 13 пацярпелых.
Газета «Daily Sabah» паведаміла са спасылкай на крыніцы ў паліцыі, што бомба магла спрацаваць раней часу.
Chaotic footage showing damaged shops in aftermath of #Bursa explosion, via @140journos. #turkey pic.twitter.com/aWrWtiA2S9
— reported.ly (@reportedly) 27 апреля 2016 г.
За апошні час у Турцыі адбылася цэлая серыя тэрактаў. У сярэдзіне сакавіка адбыўся выбух побач з некалькімі аўтобуснымі прыпынкамі ў Анкары, тады загінулі 37 чалавек. У лютым ахвярамі тэракту ў турэцкай сталіцы сталі 30 чалавек – выбух адбыўся побач з аўтобусам, дзе знаходзіліся вайскоўцы. Падчас выбуху на плошчы Султанахмет у Стамбуле ў студзені загінулі 13 чалавек.
ДР, belsat.eu паводле meduza.io