Па стане на вечар 14 траўня дакументы ў ЦВК падалі 34 асобы.
Толькі цягам чацвярга былі пададзеныя дакументы на рэгістрацыю 23 ініцыятыўных групаў, з іх большасць – «кандыдаты пратэсту», паплечнікі Міколы Статкевіча.
Сёння падалі свае дакументы ў выбаркам блогер Сяргей Ціханоўскі (праз давераную асобу – жонку Святлану), сам Мікола Статкевіч, Алег Гайдукевіч.
Аляксандр Лукашэнка перадаў дакументы ў ЦВК раніцай 14 траўня. Паводле Лідзіі Ярмошынай, у ініцыятыўную групу кіраўніка дзяржавы ўвайшлі больш за 11 тысяч чалавек. Гэта рэкордная колькасць чальцоў.
Віктар Бабарыка абвясціў, што збіраецца зрабіць гэта заўтра. Валерый Цапкала таксама дакументы ў ЦВК яшчэ не падаваў.
Нагадаем, што 15 траўня – апошняя дата падачы дакументаў на рэгістрацыю ініцыятыўных групаў. Выбары прэзідэнта запланаваныя на 9 жніўня.
КА belsat.eu
