У Вярхоўным судзе агучылі вырак па справе Андрэя Уцюрына. Былы намеснік дзяржсакратара Савету Бяспекі і экс-кіраўнік службы бяспекі прэзідэнта Уцюрын атрымаў 12 гадоў калоніі ўзмоцненага рэжыму, паведамляе карэспандэнт belsat.eu з залі суда.
Вярхоўны суд прызнаў Андрэя Уцюрына вінаватым і прызначыў яму 12 гадоў калоніі узмоцненага рэжыму і пастанавіў пазбавіць яго звання палкоўніка. Пры гэтым суд таксама агучыў пастананову зняць яму год турэмнага зняволення.
Юры Панамарёў з банку «Белвэб» асуджаны да 3 гадоў у калоніі ўзмоцненага рэжыму. Віталь Гарбачоў, грамадзянін Расеі, прызналі вінаватым у даванні хабару і асудзілі да 2 гадоў калоніі уўзмоцненага рэжыму. Прадстаўніка «Белтэлекаму» Сяргея Сівадзедава асудзілі на сем гадоў у калоніі ўзмоцненага рэжыму. Два гады калоніі ўзмоцненага рэжыму асудзілі за даванне хабару Міхаілу Прыгару. За аналагічнае злачынства Уладзімір Жылін атрымаў чатыры гады турэмнага зняволення. Сем з паловаю гадоў атрымаў Каспяровіч. Шэсць з паловаю гадоў турмы – такі прысуд агучылі былому працаўніку Нацбанку Андрэю Падгорнаму. Сяргея Пакрышку асудзілі на чатыры гады. Сем гадоў калоніі ўзмоцненага рэжыму атрымаў прадстаўнік Мінфіну Юрый Зданевіч. Аляксей Мілаванаў, былы працаўнік «Беларусбанк», за атрыманне хабару, атрымаў шэсць гадоў калоніі ўзмоцнага рэжыму. Уладзімір Томчанка за даванне хабару атрымаў тры гады абмежавання волі і накіраваны ў калонію адкрытага тыпу. Сяргею Шаркову прысудзілі штраф у памеры пяць тысячаў базавых вялічыняў. Ігара Кудасава, былога працаўніка Нацбанку, вызвалілі ад пакарання праз тэрмін даўнасці.
«Справа шаснаццаці» або справа Уцюрына разглядаецца з 10 сакавіка ў Вярхоўным судзе. На лаве падсудных – 16 чалавек, якіх вінавацяць у атрыманні і дачы хабару. Самы вядомы фігурант – намеснік дзяржсакратара Савету бяспекі Андрэй Уцюрын, а таксама менеджары Нацбанку, «БПС-Сбербанку», Беларусбанку, Міністэрства фінансаў, кіраўнік Белтэлекаму, прадстаўнікі камерцыйных структураў.
Андрэя Уцюрына затрымалі ў красавіку 2019 года, яму выставілі абвінавачванне паводле ч. 3 арт. 430 (даванне хабару) Крымінальнага кодэксу. КДБ сцвярджаў, што намесніка дзяржсакратара Савету Бяспекі арыштавалі падчас атрымання хабару ў памеры $ 148 600 ад прадстаўніка расейскай фірмы. У снежні 2019 года КДБ заявіў, што расследаванне справы завершана. Уцюрына абвінавацілі ў атрыманні хабараў на агульную суму не менш за $ 190 000, а таксама ў падбухторванні да давання хабараў. Вядзецца пра карупцыю падчас паставак у Беларусь тэлекамунікацыйнага абсталявання, камп’ютарнай тэхнікі і праграмнага забеспячэння.
СК belsat.eu
