У Стоўбцах 13 лютага хаваюць настаўніцу сярэдняй школы № 2 Марыну Пархімовіч і вучня Аляксандра, на якіх 11 лютага напаў з нажом дзесяцікласнік. Развітацца з імі прыйшлі некалькі сотняў чалавек.
Настаўніцу пахаваюць каля царквы ў вёсцы Шашкі, а 17-гадовага вучня – на гарадскіх могілках.
12 лютага былі адкрыты дабрачынныя рахункі на сваякоў загінулых і пацярпелых для аказання матэрыяльнай дапамогі.
У цэнтры банкаўскіх паслугаў №624 філіяла №500-Менскага ўпраўлення ААТ «АСБ Беларусбанк» па адрасе г. Стоўбцы, вул.Цэнтральная д.6 «Б» УНП 100603596; МФА AKBBBY21500 адкрыты рахункі:
- на імя Арцёма Вячаслававіча Пархімовіча № BY03AKBB30140003569776010000, транзітны рахунак №BY65AKBB38120624026926000000
- на імя Андрэя Віктаравіча Раманава № BY56AKBB30140003569676010000, транзітны рахунак №BY65AKBB38120624026926000000
- на імя Святланы Іосіфавны Шуцько для збору сродкаў на лекаванне сына Руслана № BY20AKBB31340000103106020624, транзітны рахунак №BY16AKBB38193821240156000000 на
- на імя Анжэлы Уладзіміраўны Цвірко на лекаванне сына Уладзіслава № BY05AKBB31340000103116020624, транзітны рахунак №BY16AKBB38193821240156000000.
***
Трагедыя адбылася раніцай 11 лютага ў СШ № 2 у Стоўбцах. Вучань 10-га класа здзейсніў напад з нажом на настаўніцу і школьнікаў. У выніку два чалавекі загінулі – педагог і старшакласнік.
Нападнік прыйшоў у школу каля 7.40, паставіў партфель і выйшаў з кабінету. Затым вярнуўся і накінуўся на настаўніцу гісторыі, якая павінна была весці першы ўрок. За педагога паспрабавалі ўступіцца два школьніка 15 і 16 гадоў. Настаўніца загінула, хлопцы атрымалі раненні. Пасля гэтага забойца выбег з класу і зайшоў у суседні кабінет, дзе напаў на вучня 11-га класа, які загінуў.
Пасля гэтага нападнік уцёк са школы. Яго затрымалі праз 2 гадзіны пры дапамозе АМАПу. Матывы злачынства дагэтуль застаюцца невядомыя. Падазраваны адмаўляецца даваць паказанні.
ІІ, belsat.eu
