Следчы камітэт прад’явіў некаторым падазраваным па «справе БЕЛТА» абвінавачванне. У прыватнасці такі статус цяпер у чатырох супрацоўнікаў парталу TUT.BY.
Сутнасць абвінавачвання ў «наўмысна з карыслівай і з іншай асабістай зацікаўленасці здзейснена з суправаджэннем парушэння сістэмы абароны несанкцыянаваныя доступы да кампутарнай інфармацыі, якая захоўваецца ў кампутарнай сістэме і сеткі рэспубліканскага УП«БЕЛТА», што пацягнула па неасцярожнасці прычыненне іншай істотнай шкоды», паведамляе партал TUT.BY.
Сума ўрону розная ў кожным з выпадкаў і варʼіруецца ад 3000 да 14230 рублёў. Мера стрымання ў дачыненні да абвінавачаных абраная ў выглядзе падпісцы аб нявыездзе і належных паводзінах.
СК, belsat.eu