7 студзеня ў Слуцку мужчына стрэліў сабе ў сківіцу з траўматычнай зброі. Ён сканаў ад атрыманай траўмы ў аўто хуткай дапамогі, паведамляе «Слуцкий край».
Паводле выдання kurjer.info, адгаварыць ад самагубства мужчыну спрабаваў ягоны сын. На месцы здарэння таксама прысутнічала «хуткая» і міліцыя. Але 55-гадовы жыхар Слуцку нікога не падпускаў да сябе.
Калі супрацоўнікі міліцыі прыехалі на месца здарэння, яны ўбачылі мужчыну з акрываўленым тварам і вопраткай. Пазней высветлілася, што да прыбыцця праваахоўнікаў і медработнікаў мясцовы жыхар стрэліў сабе ў твар з траўматычнага пісталета.
Перамовы з мужчынам працягваліся каля двух гадзін – беспаспяхова. Ён стрэліў сабе ў сківіцу з траўматычнай зброі і памёр у аўтамабілі хуткай дапамогі.
Справай цяпер займаюцца следчыя.
ЮВ belsat.eu